Espelit en 1992, bailejat per Stéphane SICHI, l'Estudiò de la Nausa a, tre la debuta, sostengut la créacion d'artistas nascuts del terraire avaironés en lor donar mejans tecnics e escocha professionala.

Tre 1993, mercé al boca-ausidors e a la qualitat de las produccions, d'altres artistas venguts d'universes desparièrs e tamben dels quatre caires de França causiguèron l'Estudiò de la Nausa pel registrar dels sieus albums.

En començar sonque societat de prestacion, l'Estudiò de la Nausa s'engatja pauc a cha pauc dins la produccion amb Wally, lo Macarèl show, Claude GASTALDIN e Luc AUSSIBAL... Mai que d'èstre sonc' un aplech de tria, l'Estudiò farga, per cada album, tota una entornada : creacion de pochetas de discs, organisacion de concerts per los artistas, seguit de la communicacion, recerca dels distributors, eca... Amb l'espelida del primièr siti oèb de La Nausa en 97, los artistas investisson lo malhum jos la bandièira NAUSA PRODUCCION. Dempuei, d'altres contactes menèron l'Estudiò de la Nausa a presentar novèls artistas : Christian Bouygues, Xavier Vidal, Jean Pau Verdier.

Amb mai de 20 albums fargats, la còla lança un nòu dèfi en crear diverses " labels " especifics :

DRALHA : musicas tradicionalas occitanas

OC SONIC : musica e cançon de uei.

Abans l'espelison de labels nòus coma CLARK...(noisy pop - rock) ATTENTIVE (jazz) .

Sèm uroses de vos convidar a navegar en musica.